Saknar kompetanse om universell utforming

Over halvparten av dei spurde kommunane saknar kunnskap om universell utforming. Det viser ei gransking som Norsk Kommunalteknisk Forening (NKF) har gjennomført.

Granskinga kartlegg kompetansebehovet i ulike målgrupper. Med utgangspunkt i granskingsresultata skal det utviklast eit målretta kompetanseprogram for universell utforming, som ein seinare skal tilby aktørar regionalt og lokalt. Meir enn halvparten har altså i løpet av det siste halvåret opplevd behov for eller ønske om meir uu-kompetanse.

Dei som deltok i ganskinga sakna kompetanse på fire hovudområde:

1. Kunnskap om gode eksempel/løysingar
2. Generell kompetanse om lovverk/regelverk
3. Kompetanse om tverrfagleg samarbeid/organisering av prosjekt
4. Behov for superbrukarar, dvs. nokon å rådføre seg med

Pengar, politisk vilje og haldningar blir nemnt som dei største hindringane når det gjeld å få gjennomført opplæring i universell utforming.

Les rapporten og NKF sin omtale av granskinga.

Kjelde: Husbanken